اسم البرنامج: الكلمة
اسم المادة: أغلى مهر في العالم
لو نسألت أو نسألتِ شو هوي أغلا مهر ندفع في التاريخ لامرأة شو حا يكون الجواب.
خلينا أنا خبركن القصة يلي صارت مع واحدة من الصحابيات يلي اسما أم سليم هاي أم سليم يوم من الأيام بموت زوجها بعد مدة بيتقدموا رجال واحد من هول الرجال يلي بيتقدمولا أسمه أبو طلحة الأنصاري، انسان غني كتير من أغنى الرجال بهيديك الوقت.
أبو طلحة الأنصاري بيستأذن على أم سليم بفوت لعندها وبيستأذنها بموضوع الزواج قالت له أم سليم عادةً واحد مثلك ما بينرفض بس ولكن أنا ما بقدر إتزوجك أنا على الإسلام وأنت منك مسلم.
أبو طلحة بفكرها عم تدلع عليه وبدها مصاري بدها مهر غالي.
يقول لها أنت مش عشين هيك عم ترفضيني.
تقول له لكن مشين شو.
يقول لها أنت بدك الأصفر والأبيض ذهب وفضة تقول له أنا؟
تقول له أشهدك يا أبا طلحة أنك لو شهدت بالله ربا وبالإسلام دينا وبمحمد نبيا جعلت ذلك مهرا لك ما أبغي مهرا آخر.
فبقوم أبو طلحة بس عرف أن أم سليم بدها مهرها أن يسلم أبو طلحة يقول لها من لي بالإسلام مين بدلني كيف بأسلم.
بتقلو أنا، أن تشهد أن لا إله إلا الله وأن محمدا رسول الله.
بقوم فورا أبو طلحة بقول أشهد أن لا إله إلا الله وأشهد أن محمدا رسول الله وصارت الناس بوقتا تقول ما في مهر نعطا أغلى من مهر أم سليم مهرها كان أن يسلم أبو طلحة.
وما في أغلى من الإسلام، أغلى نعمة وأحلى نعمة وأجمل نعمة بينعطاها الإنسان هي نعمة الإسلام.
قال النبي عليه الصلاة والسلام: “إن الله يعطي المال لمن يحب ولمن لا يحب ولا يعطي الإيمان إلا لمن يحب”.
علامة محبة رب العالمين للعبد أن يكون على الأيمان ويتّبع تعاليم النبي محمد عليه الصلاة والسلام اتباعا كاملا.
يروى أنه كان في إنسان مريض مصاب بالجزام، هاي الآكلة بتصير بتوقع أطرافه وما حدا مهتم في كابينو على الزبيلي، مارق إنسان عم يطلع في هل الشخص كيف صابر ومع هيك عم يذكر رب العالمين عم يسبح عم يهلل.
بقوم بيطلع بقول هيدا الإنسان شو صابر، بيسمعو بقوم بقول اللهم لو صببت البلاء علي صبا ما ازددت بك إلا حبا.
بت قلي إلى متى بدنا نضل مسكين بدين الإسلام بقلك قال الله تعالى {وَاعْبُدْ رَبَّكَ حَتَّى يَأْتِيَكَ الْيَقِينُ} يلي هو الموت.
نسأل الله تعالى أن يميتنا على كامل الإيمان.