اسم البرنامج: الكلمة
اسم المادة: يوم كنا نعيش في بيت واحد
مرحبا،
ربينا مع بعض كنا نأكل مع بعض ونشرب مع بعض وننام في بيت واحد ولما يتأخر ينشغل بالنا عليه ولما يغيب نحس أننا فقدنا شيء ولما كبر شاركناه في فرحته ولما اتزوج انبسطنا بالعرس وحسينا فقدنا شيء كتير كبير بالبيت.
الكلام خيك.
عم تسأل عنه؟
عم تسأل عن أولاده؟
عم تسأل شو عم يشتغل؟
وين صار أراضيه؟
شو عم يعاني؟
عم تشاركه فرحته؟
عم تشاركه حزنه؟
صار بيجمعنا المصيبة إذا مات الأب أو ماتت الأم بيجتمعوا الأخوة وبهل اللحظة الكل بيبكي جمعتن مصيبة وبنفس الوقت تذكروا الأيام يلي كانوا يعيشون فيها مع بعضهم في بيت واحد.
جمعهم عزاء شافوا بعضهم عكم يوم وبعدين رجع كل واحد لطريقة الحياة يلي كان عايشها.
ما بدنا هيك.
بدنا نتواصل بدنا نتزاور، بدو الواحد منا يسأل عن أخيه يلي رَبِيَ هو ويي يلي بيجمعن الدين والدم.
لا تترك هذا الأمر اذهب لعنده وزره وقل له يا أخي أنا بحبك وأنا بدي ياك وما نبيعد عن بعضنا، بدنا نبقى مجموعين.
هيك وصانا الأب وهيدي وصية الأم بكون الأخوة والأخوات كلهم مجموعين على طاعة الله عز وجل.
لأن الخير والحكمة وسلامة العاقبة في العمل بشريعتنا شريعة سيدنا محمد صلى الله عليه وسلم.